O Rock & Long 2025 regresa a Montalvo cunha fin de semana de música, surf e cultura
Os días 26, 27 e 28 de setembro de 2025 celebrarase unha nova edición do Rock & Long, un encontro único que combina música en directo, surf, arte e convivencia na praia de Montalvo, en Sanxenxo.
O festival, de acceso totalmente gratuíto, incluirá unha xuntanza surfeira, un mercadiño de arte e artesanía, zona camper e unha expo fotográfica en memoria de Beni Oliveira, mantendo o espírito comunitario que caracteriza este evento desde os seus comezos.
A programación musical deste ano é a seguinte:
-
Venres 26, 21:30h – Concerto das bandas Nutrias (Galicia) e Playa Nudista (Arxentina).
-
Sábado 27, 22:00h – Actuación de Los Wavy Gravies (Galicia) e sesión de DJ Lorre.
-
Domingo 28, 12:30h – Charla Océano Surf Club e concerto da banda galega Noite Pechada, nunha sesión vermú de peche.
Durante toda a fin de semana, o Rock & Long converterá Montalvo nun punto de encontro para surfistas, artistas e amantes da música, coa forza das ondas e o son do rock como fíos condutores.
📍 Lugar: Kanion Surf – Praia de Montalvo, Sanxenxo
🎟️ Acceso gratuíto
